Chief Editor : Mohamed Aly Hassan
Powered by automobile magazine egypt automobile magazine egypt automobile magazine egypt automobile magazine egypt
☰
قوم اشترى عربيتك قبل الأسعار ما تغلى تانى اسمع منى
قوم اشترى عربيتك قبل الأسعار ما تغلى تانى اسمع منى
  • مقال - محمد على حسن
  • 19/04/2022
  • 1237

عندك فلوس وناوى تشترى عربية.. بسرعة اسمع منى الكلام دة لانة الاصدق والأكثر ثقة عشان الفترة اللى جاية فترة سودة بعيد عنك الخبراء بتوع الاقتصاد اللى في مصر وبرة كمان بعد رؤيتهم ودراستهم للأسواق والاقتصاد العالمى بيأكدو ان الفترة الجاية فترة ركود عالمى وتضخم كبير وارتفاع كبير جدا في الأسعار طبعا راجع دة لأية حضرتك.. الجماعة الامريكان مش ناويين على خير ابدا من شهر رفعوا الفايدة عندهم قوم ايه ارتفعت في كل بنوك العالم واتعوم تانى الجنية وغيرة من العملات وارتفعت أسعار الدولار في الدنيا كلها.. الجديد بقي واللى بقولك علية روح اشترى بسرعة الامريكان وخاصة البنك المركزى قرر في تاريخ 17 مايو القادم انه يرفع الفايدة تانى تخيل تانى يعنى كلنا في انتظار ارتفاع أسعار تانى في كل السلع ومنها طبعا يا نجم السيارات يعنى لو زادت الفايدة 1٪ زى المرة اللى فاتت يعنى بسم الله الرحمن الرحيم فيها خمسين ألف زيادة كمان على أسعار السيارات خلاف عن كدة ودى الحوسة الكبيرة اللى ريحين ليها هيه ان شركات السيارات وقفت الحجز على السيارات عندها والموزعين بيخلصوا المخزون ولو انت رحت شركة سيارات مثلا كدة مثلا زى سكودا وسيتروين مش هتلاقي عربيات في معارضها اه والله تصدق يعنى كدة كدة احنا رايحين في حته ضلمة خالص ولو سألت يقولك ان الأسعار العالمية والإنتاج العالمى قل واصبحت السيارة بسعرها الجديد ثقل على العميل والسوق مش مرتاح والسعر الرسمى المطبق من جهاز حماية المستهلك وقرارة الجديد الغريب لا هو قرار صارم ولا هو قرار بيمنع الزيادات قال ايه فين ودنك يا جحة بيروح من سكة ابعد من اللى قدامة القرار بيقولك زود بسعر موحد واخطر المجلس يعنى حط الأوفر بريس على الحاجة بس مش بأسمة خلية سعر موحد اه يانا ياولاد ايه الحوسة دى... طيب احنا نعمل ايه دة كدة العربية الصيني اللى لمؤخذة الواحد كان بينظر لها بتعالى شكلة كدة هيقولها تعالى ههههه... على العموم استنظروا زيادات واقعد كدة على الشلتة وقول هستنى ثبات الأسعار ثبات ايه يا خوية ثبات دى راحت في الوبا

موضوعات متعلقة

مقال رئيس التحرير
وما ادراك ما (هل)
وما ادراك ما (هل)
الأكثر مشاهدة في أوتوموبيل

اعلان رقم 2 شريط جانبي

42%
31%
8%
14%
1%
4%
النتائج